19. Jan 2012 18:14 Крстот се фрлаше и во црквата Свети Никола
Во централниот храм „Свети Никола“ во Куманово, крстот го фати Никола Златановски (19), студент од Куманово. Тој се надева дека оваа година крстот, ќе му донесе среќа здравје и просперитет.
„Водици е празник кој се поврзува со крштевањето на Исус Христос во реката Јордан.Јован го крсти Спасителот и оттогаш тој се нарекува Крстител“ - вели свештеникот Жика Тодоровски од црквата Свети Никола.
На Златановски црквата му додели подароци, а икона доби од здружението "Коледари".
Празникот се нарекува уште и Водици заради големиот водосвет што го извршува Црквата на овој ден.