11. May 2010 16:00 Кумановка трета вешта жена во државата
Анета Илиќ од Куманово го освои трето место во вкупен пласман и признание за највкусно главно јадење на републучката манифестација "Вешта жена" што викендов се одржа во Тетово. На натпреварувањето учествувале победничките од 23 градови во државата.
Ова е мое прво учество на ваква престижна манифестацијаи и драго ми е што сум дел од неа на 18 годишнината од постоењето на „Вешта жена“. Масата ми се викаше „Љубовна магија“ и беше посветена на сите оние што љубовта им мотив во остварување на нивните цели. Мене љубовта ми е основен двигател во секој сегмент на животот, па и во кулинарството - вели победничката.
Таа љубовта кон готвењето ја наследила од нејзината мајка, а поинтензивно почнала да готви откако се омажила. Како млада и модерна жена вели дека и причинува посебно задоволство и особено е горда кога самата ќе успее да подготви некое специфично јадење. Често експериментира, но најмногу ја сака традиционалната македонска кујна. Слабост и се солените јадења посебно мајонез салатите.
На манифестацијата победила претставничката на Битола, а на Македонска Каменица ја освоила втората награда.
