01. Sep 2011 14:51 Од денеска зелените картони поевтини
Зелениот картон за патничките и товарните моторни возила од денеска се продаваат со пониска цена.
Годишната карта за патничките возила до 66 киловати, наместо досегашните 160 од денес ќе чини 60 евра. За патничките возила над 66 киловати цената од 160 евра се намалува на 90, а за товарните возила цената на зелениот картон се намалува од 450 евра на 280.
Со измените сега зелениот картон ќе биде со важност од една година, а нема да има месечни, тримесечни и шестмесечни зелени карти.
Зелените картони издадени пред 1-ви септември ќе важат до истекот на рокот за кој се издадени.
Намалувањето на цената на зелениот картон беше донесена на првата седница на новата влада, одржана минатиот месец.