17. Jul 2010 14:22 Променливото време создава главоболки
Времето во текот на денот ќе биде сончево, додека попладне ќе има услови на нестабилност проследена со локален дожд и грмежи, особено во северо-источните делови, се наведува во информацијата од Управата за хидрометеоролошки работи.
Преку денот биометеоролошките услови ќе бидат лоши. Во пладневните часови кај поголем број на луѓе можна е појава на главоболки, но и болки во колената, грбот и на вратот. Во вечерните часови кај луѓето чувствителни на временски промени можно е да се појави и чувство на тежина во главата. Во ноќните часови болките кои се од ревматски карактер, но и оние кои се од артритични промени ќе се поупорни.
