25. May 2010 11:25 Ќе соработуваат водоводните претпријатија на Куманово и Марибор
Јавните водоводни претпријатија на Куманово и Марибор потпишаа меморандум за соработка. Се работи за рамковна спогодба за соработка на сите полиња и размена на искуства со кои располагаат двете претпријатијата.
Позитивните искуства што ги има Марибор ќе ги примениме во нашите проекти со цел да направиме квалитетни услуги за граѓаните. Колегите од Марибор имаат искуство со европските фондови и спремни се да ни ги пренесат со цел да не правиме почетни грешки со кои ќе ги изгубиме проектите- вели директорот Виктор Божиновски.
Мариборскиот Водовод е најголем во Словенија и оваа година со проекти за изградба на водовод и канализација од Европа ќе добие 44 милиони евра.
Ова е добра прилика да дадеме совети на ЈП „Водовод„ со исто такви проекти да добие што повеќе сретства- вели Данило Бурнаќ, директор на ЈП „Водовод„ Марибор.
