01. Nov 2011 15:53 Општината и Водовод ќе се грејат на гас
Зградата на локалната самоуправа и јавното претпријатие „Водовод„ оваа зима ќе се грејат на гас. Двете топлани денеска свечено беа предадени во употреба, по повод Денот на градот 11 Ноември.
Во овие десетина дена во Куманово ќе се пуштат 12 нови постројки на гас, со вкупна дистрибуција на 1 милион кубни метри гас. Со тоа Куманово ќе биде првата општина во државата која ја шири мрежата на дистрибуција на гасот, а со тоа директно работи на зачувување на животната средина- рече градоначалникот Зоран Дамјановски.
Директорот Виктор Божиновски е задоволен од гасификацијата на нивното претпријатие, бидејќи на економски план тоа значи заштеда на одредени сретства, бидејќи гасот е поевтин од другите извори на енергија.
Сметам дека во наредниот период гасот ќе го користиме и во другите наши капацитети, како што е работата на пречистителната станица-вели Божиновски.