27. Jul 2010 16:54 Го викнал да излезе, па го претепал
Р.Х.(20) од Сопот се здобил со сериозни повреди по главата и телото кога неговиот соселанец Б.М.(20) го истепал со стап.
Инцидентот се случил синоќа во 22.30 часот, кога насилникот го викнал Р.Х. да излезе во дворот и кај влезната капија без повод и причина со дрвен стап почнал да го удира во пределот на главата и телото. Повредениот со такси возило бил пренесен во Кумановската општа болница, каде му била укажана лекарска помош и констатирана тешка телесна повреда – фрактура на десна подлактица.
Р.Х. е задржан на понатамошно лекување. Увид на лице место извршила увидна екипа од СВР-Куманово и се превземаат мерки за целосно документирање и расчистување на случајот.
