09. Sep 2010 14:21 На Табановце уапсен фалсификатор на кредитни картички
До Основното јавно обвинителство Куманово поднесена е кривична пријава против С.Г.(37) од Скопје, поради основано сомнение дека сторил кривично дело – правење, набавување или отуѓување средства за фалсификување, како и за кривичното дело – изработка и употреба на лажна платежна картичка.
Кривична пријава поднесена е и против А.Т. (28) од Скопје, за помагање во кривичното дело.
С.Г. во јули годинава набавил уред за неовластено прибавување на банкарски податоци-скимер и изработил две лажни платежни картички, додека А.Т. истите ги прикрила и ги чувала.
На ГП-Табановце на влез во државата запрено е патничко моторно возило на С.Г. и сопатничка А.Т., тој е приведен.
При извршен личен преглед над А.Т. во нејзината чанта пронајден е еден дел од опремата и фалсификуваните платежни картички од странски банки и три листа на коишто е водена рачна евиденција за извршени трансакции од банкомат.
Одделот за организиран криминал веќе поднел кривична пријава во отсуство против С.Г. како и против лицата В.Д., неговиот брат Т.Д., П.С. и Л.Ј. за извршени кривични дела – злосторничко здружување“, оштетување и неовластено навлегување во компјутерски систем“ и компјутерски фалсификат, и против истите била распишана потерница.
