07. Jun 2010 16:10 Паднала од велосипед и починала
Татјана Алексовска (44) од селото Пчиња во несреќен случај починала, откако паднала од велосипед и си ја скршила главата. Несреќата се случила вчера во 13.30 часот на патот помеѓу селата Вак`в и Пчиња во близина на нивата каде таа и нејзиниот сопруг работеле.
Алексовска со велосипед тргнала до дома да земе нешто, а сопругот останал да копа. По патот најверојатно паднала и удрила во камен, при што се здобила со фрактура на главата. Откако поминало подоста време, а жената не се вратила сопругот почнал да ја бара по телефон, но таа не се јавила. Во 15.30 часот мртвата жена ја пронашол жител на селото и го повикал нејзиниот сопруг. Веднаш повикале полиција и брза помош. По лекарскиот преглед била утврдена повредата на главата. Соседите не веруваат дека Татјана не можеле де се здобие со толку сериозна повреда од падот на велосипед, туку дека на жената најверојатно и се слошило од високата температура и добила излив на мозокот. Телото е предадено на обдукција и ќе се открие причината за смртта.
