10. Aug 2011 16:19 Пијан возач скрши семафор
Горан.В (22) од Куманово со својот автомобил фијат пунто удрул и го скршил семафорот на раскрсницата на булеватите „Трета МУБ„ и „Октомвриска револуција„.
Според информации од полицијата сообраќајната незгода се случила во неделата наутро во три часот по полноќ. Возачот додека се движел од центарот на градот кон населбата Проевце, изгубил контрола на возилото и удрил во семафорот. Причинета е матерјална штета на возилото и сообраќајниот знак, додека возачот поминал без повреди. Откако му бил извршен акотест, било утврдено дека има 2.32 промили алкохол во крвта.
