14. Dec 2011 10:59 Награден конкурс за делото на Свети Сава
По повод прославата на националниот празник на Србите во Македонија - Свети Сава, на 27-ми Јануари, Обединета српска заедница и Коло на српските сестри распишуваат награден конкурс за ликовни и литературни творби.
Конкурсот се однесува за учениците од основните училишта. Литературните творби мора да бидат напишани на српски јазик, а темите се „ Денес сите Срби неговиот спомен го слават„, и „ Да воскликнеме со љубов на просветителот Сава“. Најдобрите творби ќе бидат наградени со книги.
Ликовните и литературните дела треба да бидат доставени до Обединетата српска зедница Куманово до 22 јануари наредната година.