14. May 2010 16:12 СНП бара будност во државата
Српска напредна партија во РМ предупредува и ги повикува на будност сите политички субјекти во државата, а за најодговорни ги смета органите на власта, поради се позачестените полициски акции со кои секојдневно се откриваат огромни количества оружје.
Апелираме до МВР да не ја лаже јавноста дека ситуацијата е под контрола, кога оружје со тони и камиони се натрупува од сите страни во западниот дел на државата, каде и по толку години самостојност сеуште не се спроведува правниот ред и не функционира правна држава. Загриженоста на СНП е поголема затоа што во предходно идентична состојба 2001 година најголема штета претрпе српскиот народ кој живее во Република Македонија, при што беа етнички исчистени Србите од голем број населени места, а состојбите беа формално легализирани со рамковниот договор. За ваквото толерирање на косовизација на западниот дел од Република Македонија, ВМРО-ДПМНЕ со своите коалициони партнери ќе ја сноси не само политичката, туку и историска одговорност пред граѓаните на Република Македонија- се вели соопштението на Српската напредна партија.
