22. Sep 2011 12:37 Кошаркарите ја забележаа првата победа во Белград
Кошаркарите на Куманово 2009, вчера го одиграа првиот натпревар од подготвителниот турнир кој се одржува во Белград. Нашите претставници беа поуспешни од КК Торлак - Белград со резултат 71:90.
Избраниците на Луковиќ имале одличен натпревар, а фактот дека повеќе играчи постигнаа двоцифрен број на поени зборува дека формата е подигната во однос на настапите во Спортската сала.
Најефикасни на натпреварот беа Јанушевиќ со 18 поени, Калов имал одлична партија со 15 поени и 9 скока, Матиќ 16 поени, Микиќ 12 поени и 11 скока а Јелесиевиќ го завршил натпреварот со 10 поени.
Денеска Куманово 2009 ќе се игра против екипата на Хемофарм - Вршац.