Вести
На Табановце уапсено лице по потерница
На граничниот премин „Табановце“ на влез во државата, вчера во 14.15 часот е приведен А.М. (17) од с.Батинци-Скопје, бидејќи се бара по потерница.
Денеска се слави „Свети Тројца„
Црквата "Св.Тројца" или попозната во народот како „Нова црква„ денеска го слави својот светец. По тој повод во црквата се одржа свечена литургија со која чиноначалствуваше владиката полошко-кумановскиот Кирил, а програмата беше збогатена со црковени песни.
„Јас имам талент„ за основците во Куманово
Над 300 ученици од кумановските основни училишта вчера зедоа учество во манифестацијата „Јас имам талент„ што ја организираше ОУ „Крсте Мисирков„ од Куманово. Младите имаа можност да го покажат својот талент во пеење, рецитирање, глума и танцување.
Делегација од Марибор во посета на Куманово
Градоначалникот на Марибор, Франц Канглер со неговите соработници престојува во дводневна посета на Општината Куманово. Целта на посетата е првите луѓе на Марибор да ги пренесат искуствотата во аплицирање на проекти од европските фондови и изработка на заеднички проекти, бидејќи и Марибор е втора најголема локална самоуправа во Словенија.
Се шири гасификацијата во градот
Се интензивира работата на проектот за гасификација на централното градско подрачје. Екипите на Јавното претпријатие „Кумановогас„ деновиве работат на поставување на гасоводната дистрибутивна мрежа на булеварот „Октомвриска револуција„.
Во кумановската болница фалат лекари специјалисти
Во Општата болница во Куманово фалат најмалку 20 лекари специјалисти за да се подобри квалитетот на здравствени услуги на пациентите во Североисточниот регион. Со постоечкиот стручен кадар не може да се одговори на потребите на повеќе од 200 000 жители, бидејќи лекарите покрај од кумановскиот регион секојдневно го опслужуваат и населението од кривапаланко и кратовско.
Матурантите од Куманово танцуваа со своите врсници во Европа
Матурантите од Куманово точно напладне на Градкиот плоштад изведоа синхронизирано танцување „Квадрил„ на музика која се емитуваше преку радио сигнал. Околу триста матуранти од градот, облечени во црвени и бели маички заедно со уште 40 илјади матуранти од седумдесетина европски градови и оваа година беа дел од големата матурска парада.
Концерт на Елена Петрушевска
Утревечер во салата на Македонскиот културен центар-Козјак концерт ќе одржи Елена Петрушевска, мецосопран и Дејан Тошев тенор. Како гости ќе настапат Стојанчо Баковски на пијано и Милена Гиевска на виолина.
Кумановската пожарна доби нови возила
Територијалната противпожарна единица во Куманово доби две нови противпожарни возила.На свеченоста по повод Денот на пожарникарите, денеска беа промовирани возилата, кои ќе ја подобрат ефикасноста на работата на пожарната служба во градот.
Полската култура одлично примена во Куманово
Полската амбасада во Македонија во соработка со Центарот за култура „Трајко Прокопиев„синоќа организира концерт по повод 200 години од раѓањето на Фридрих Шопен.
« Прва ‹ Претходна 12345678910111213141516171819202122232425262728293031323334353637383940414243444546474849505152535455565758596061626364656667686970717273747576777879808182838485868788899091929394959697 Следна › Последна »
