29. Nov 2011 11:41 Дебата за спречување на семејно насилство
Жeнски Центар „Жена на 21 век„ Куманово, утре организира јавна дебата како дел од националната кампања за одбележување на Меѓународниот ден за елиминација на насилството врз жените во рамки на програмата „Зајакнување на националните капацитети за превенција на семејното насилство“ на Министерството за труд и социјална политика и Обединетите нации ( UNFPA, UNDP, UN Women, WHO & UNICEF).
Дебатата ќе се фокусира на воспоставениот механизам за институционална координација во форма на локални координативни тела (Локални совети), кои ги вклучуваат сите институции на општинско ниво, како и ефективната координација на спроведувањето на Стратегијата за превенција од семејно насилство 2011-2013 година низ сите релевантни институции како и развивање на соодветни политики.