31. Oct 2011 12:58 Годишен концерт на играорците-пензионери
Културно уметничкото друштво „Ѓоко Симоновски„, кое работи во состав на Здружението на пензионери "Куманово", викендов го одржа традиционалниот годишен концерт насловен "Пензионерите за својот град".
Пред бројната публика кумановските пензионери се представија со сплет од народни игра и песни од Егејска Македонија и кумановскиот крај, а имаше и неколку хорски изведби и соло настапи на пензионери пејачи. Гости на концертот беа младите играорци од КУД "Срма". Концертот се одржа во големата сала на Центарот за култура.