26. Dec 2011 17:16 Се украсува Општината
По повод новогодишните празници денеска се украсуваше зградата на Општината Куманово. Екипа на претпријатието „Електро-Куманово„, со возило и корпа ги поставуваа украсните светилки на фасадата на целиот објект.
Со оглед на тоа што општинската зграда треба да претставува репрезент на градот, требаше да биде прва украсена, а не последна, само на неколку дена пред Нова година- коментира еден познат архитект, кој случајно се најде на улицата.
Бидејќи крајот го краси делото, се надеваме дека со осмислено украсување „градската куќа„ ќе светне во сиот сјај, како тоа обично е случај во другите големи градови.
