02. Feb 2012 15:39 Волонтери ќе им помагаат на старите
Волонтери од општинската организација на Црвениот Крст на Куманово и преставниците од локалното здружение на пензионерите заеднички ќе се грижат за повозрасните граѓани на општина Куманово.
Волонтерите од Црвениот крст во втората половина од средината на овој месец ќе се обучуваат за да им помогаат на старите и изнемоштените лица од општина Куманово.
Оваа координирана акција ќе започне кон крајот на февруари, а вклучува редовна посета на старите и изнемоштените лица, набавка на намирници, помош во изведувањето на домашните обврски, а е наменета за оние лица кои се повозрасни и кои живеат сами"- вели Иле Митковски,секретар на општинската организација на Црвениот Крст.
Во вториот дел од помошта предвидена и основна лекарска нега. За овој проект Црвениот крст и локалното здружение на пензионери ќе користи ресурси од матичните здруженија, а во иднина предвидена е и помош од локалната власт и од бизнис заедницата од градот.