22. Sep 2011 14:20 Затворен случајот „Липковска брана„
Јавното обвинителство се откажа од гонење на одговорните во хашкиот предмет „Липковска брана“.
Тоа значи дека и официјално е запрена истрагата за осомничените за затворање на браната кај Липково во 2001 година. Дали повторно ќе се бара одговорност на лицата кои го оставија Куманово без вода за пиење ќе зависи од одлуката на Уставниот суд. Таму се поднесени две иницијативи, но се најавуваат уште две: од мавровските работници и од здружението на роднините на киднапираните тетовци.